أمثال شعبية مصرية مشهورة
تعتبر الأمثال الشعبية من أهم المفاهيم التي حصلنا عليها من أجدادنا وتعتبر أرث قيم، فهي تعبر عن تاريخ وحضارات الشعوب، ما يميز الأمثال الشعبية عن باقي المفاهيم الأخرى هو أنها تبقى ثابتة ولا يمكن تغيرها أو تحويرها مهما مر الزمن، وتتوارث جيل تلو الأخر، معظم الأمثال الشعبية تكون عبارة عن قصص قصيرة جداً وهادفة
وتتضمن أغلب الأمثال الشعبية مواعظ وحكم وأفكار مهمة، تترسخ هذا المفاهيم في عقول الناس لقصر جُملها ومعانيها الواضحة، كما تكون الأمثال الشعبية مأخوذة من مشاكل وأحداث واقعية تحدث في الحياة اليومية، من الجدير بالذكر بأن الأمثال الشعبية تختلف من دول إلى أخرى
باختلاف حضارة وتاريخ وثقافة الدولة وهناك الكثير من امثال عربية مشهورة، ومن أكثر الدول العربية استخداماً للأمثال الشعبية مصر، حيث يعتبر الشعب المصري من أكثر الشعوب استعانه بالأمثال الشعبية في حياتهم اليومية.
أشهر الأمثال الشعبية المصرية
مالقوش العيش ياكلوه جابوا لهم عبد يلطشوه وهذا المثل يطلق على الذي يتفاخر دون تواجد أي أسباب تدعي للتفاخر.
اللي خدته القرعه، تاخده أم الشعور.
مراية الحب عمياء.
بصلة المحب خروف.
ضرب الحبيب زي أكل الزبيب.
إيش ياخد الريح من البلاط؟.
اللي يحسب الحسابات في الهنا يبات.
الي الدنيا علمتة مش زي الي امة مرجحتة.
ولا تصبح ولا تتني، تعيش طول عمرك متهني.
الملح داب والعيش اكلته الكلاب.
عتاب الندل اجتنابه.
يا واخد القرد على ماله بكره يروح المال ويقعد القرد لحاله.
ولا ترقع فى الدايب ولا تعتب على العايب.
على قد لحافك مد رجليك.
كل ديك يزعق من حصولتو.
حبيبك يبلعلك الزلط وعدوك يتمنالك الغلط.
اللى اتلسع من الشوربة ينفخ فى الزبادي.
تراب الغلة غلة.
خف رجلك ترزق.
ياما جاب الغراب لأمه.
امشي عدل يحتار عدوك فيك.
النار ما تحرقشي اللا اللي كابشها.
اللي مايشوفش من الغربال يبقي أعمى.
عدس بترابه وكله بحسابه.
احترت انا معاك والطبع فيك غالب، وديل الكلب لن ينعدل ولو علقوا فيه قالب.
خيراً تعمل شراً تلقي.
اللي بيته من زجاج ميحدفش الناس بالطوب.
عشمتني بالحلق، خرمت انا وداني، لا وداني خفت ولا الحلق جاني.
يا داخل بين البصلة وقشرتها ما ينوبك الا دمعتها.
تبقي في بقك وتقسم لغيرك.
اطبخي يا جارية كلف يا سيدي.
بات نار تصبح رماد.
ربنا مش هيديك حمل تقيل إلا لما يكون عندك كتف يشيل.
لبّس البوصة تبقي عروسة.
آكل فول و أخرج قفايا عرض و طول و لا آكل كباب و وقفة الديانة ورا الباب.
متخفش من الهبله خاف من خلفتها.
يامأمنة للرجال يا مأمنة للمية فى الغربال.
ديل الكلب عمره ما يتعدل.
طول ما الحمار ساكت العربجي هيفضل يزود في الحمولة.
إمسح مكياج صاحبتك، تلاقي سيد إبن عمتك.
اللي طلع القرد على الشجرة يعرف ينزله.
العيلة اللى مفيهاش صايع، حقها ضايع.
اللي جوزها يقول لها يا عورة تلعب بيها الناس الكورة.
صاحب الدار على مهله والشحات خرج عقله.
البطيخه اللي ماتفتحتش، شبعت تخبيط.
علي رأي المثل: حسدوا الغجر علي ضل الشجر.
الو أبو فصاده بيعجن القشطه برجليه قالو كان هيبان علي عراقيبه.
طلعت فوق السطح لفح الهوى كومى كل البنات اتجوزت وانا قاعده جنب امى.
أبوه البصل وامه الثوم تجيب الريحة الحلوة منين يا مشئوم.
إن كنتوا نسيتوا اللى جاره هاتوا الدفاتر تتقرأ.
مسيرك يا ملوخية تيجي تحت المخرطة.
اللي عندو قرش و محياروه يقيب فيه حمام و يطايارو.
كيهك نهارك مساك تصحى الصبح تدور على عشاك.
بخت العفنة بالحفنة وبخت الشطار شمّر وطار.
اللي نجمة خفيف أو محسود يلبس اللباس بالمقلوب.
الحاجه اللي خايف تخسرها إخسرها عشان تبطل تخاف.
أجمل الأمثال الشعبية المصرية القديمة
أبو جعران في بيته سلطان.
طمعنجي بنالو بيت، فلاسنجي سكنلو فيه.
صباح الخير يا جاري، أنت في دارك وأنا في داري.
العلم في الراس مش في الكراس.
اسأل قبل ما تناسب يبان لك الردى والمناسب.
أخيط بسلاية ولا المعلمة تقول هاتي كراية.
عصفور في اليد خير من عشرة على الشجرة.
لا تصاحب الاهبل ولا تخلي الاهبل يصاحبك.
الكحكه فى ايد اليتيم عجبه.
علمناهم الشحاته سبقونا ع الأبواب.
متعرفش قيمة امك غير لما تجرب مرات ابوك.
اصبري يا ستيت لما يخلي لك البيت.
اجرى يابن ادم جرى الوحوش غير رزقك لم تحوش.
اللي مالكش فيه، مالكش دعوة بيه.
الدنيا تتمنى وحمتها والهنيمة تستني وجعتها.
هديتك ما اتهديت و الطبع فيك غالب و ديل الكلب ما ينعدل ولو علقوا فيه ١٠٠ قالب.
قلت للنحس انا رايح اتفسح قال وراك وراك هو انا مكسح.
مالك يا بخت من بين البخوت لبخت الناس بتمشى فالطين وانا اللى فالناشف لبخت.
اردب ما هو لك ما تحضر كيله تتعفر دقنك و تتعب في شيله.
جات الحزينه تفرح مالئتلهاش مطرح.
ربنا بيُرزق الهاجع والناجع والنايم على صرصور ودنُه.
لا الحاوي هينسي موت أبنه ولا التعبان هينسي قطع ديله.
لو تجري جري الوحوش غير رزقك ما تحوش.
محدش خالي من الهم حتى قلوع المراكب.
يا بايس بره بيتك تتشكر بهم .. بوس اهل بيتك ينوبك اجرهم.
قالوا لفرعون إيه فرعنك قال ملقيتش حد يلمني.
جوه و بره فرشت لك و انت مايل و ايه يعدلك.
ياليّ خليت الغالي وتبعت الرخيص يغلى عليک الغالي وتبقى رخيص.
الكل ليه اللي يشبهلو حتي الحمار واللي أنيه.
لا الحاوي هينسي موت أبنه ولا التعبان هينسي قطع ديله.
تبقى في بؤك وياكلها غيرك.
الغزالة الشاطرة تغزل برجل حمار.
إنت جيت ولا الهوا جابك.
واضيع ذات صلة