أفضل قصائد الشاعر رشيد الزلامي
رشيد الزلامي من أشهر شعراء النبط في المملكة، كتب العديد من القصائد، وشارك في برنامج شاعر المعنى كأحد أعضاء لجنة التحكيم، وذلك في نسخه الأولى إلى الرابعة، مع عدد من الشعراء مثل : سلطان الهاجري، فيصل الرياحي، ومحمد السناني .
الشاعر رشيد الزلامي
هو رشيد بن زيد بن مسيند الزلامي العتيبي، ولد عام 1926، وتوفى في جدة في التاسع والعشرين من ديسمبر عام 2014، وهو من شعراء النبط، له العديد من القصائد لاسيما في الرثاء والرد، حيث قام برثاء أشخاص مثل : الشيخ عبد العزيز ابن باز، والألباني، وابن عثيمين، وحاور عدد كبير من الشعراء مثل : محمد الجبرتي، خلف بن هذال، محمد بن جرشان، مطلق الثبيتي، فيصل الرياحي، سعد المعنى، تركي الميزاني، محمد بن مشيط المري، وغيرهم .
أفضل قصائد الشاعر رشيد الزلامي
1- قصيدة الله على اللي
الله على اللي شوحته تقطع الدار
يوصل غريب الدار ديرة ربوعه
أبيه والله مير مغلين الأسعار
والبنك ما ادله ولا أعرف فروعه
وذي حالة الدنيا لها أدوار وأدوار
يومن تواصلنا ويومن قطوعه
وكل البشر فيهم فقارا وتجار
ونفوس تتحمل والأخرى جزوعه
وحتى بنوك النقد تعجز وتنهار
ما هوب أنا عجزي بعاد رموعه
بس المهم ودون توضيح الأسرار
وضعي ووضع الجيب شكله ونوعه
شريت لي جيب عسى أبوه للنار
بانت عذاريبه من أول أسبوعه
مزعج مع الصحراء ومزعج مع القار
ومن يركبه لازم يسكر سموعه
مثل الشبح ما ينقصه غير طيار
شكله وتصميمه وممشاه روعه
من خف دمه ما بقى فيه مسمار
ولا يركبون عيال الأنذال نوعه
ما يركبون إلا سفاري وفكسار
آخر زمان جعل بقعا تصوعه
خلا رجال المرجلة مالهم كار
الذيخ لو يبكي مسحنا دموعه
الذيخ يشبع فالفضايل والأسوار
والذيب ما يدرى بفقره وجوعه .
2- قصيدة يا معالج الجرح
يا معالج الجرح صبري واصلا ماده
وعلاج قبل أمس زاد الجرح ما سرّه
أحرجتني في سؤال ما أعرف أبعاده
والناس للناس محتاجة ومضطرة
اخفض جناحك ترى دنياك حدادة
وترى سليمان قبلك خاطب الذرّة
وجرحي ترى ما يبي دكتور وعيادة
يحتاج قلب رحيم ونظرة حرة
وإن كان جرحي بقى والطب ما فاده
أعود وانصحك يا قلبي مية مرّة
لا عاد تحلم بشي فات ميعاده
قد ايش تبكي وكبدك ليه محترّة
اصبر على ما قضاه الله وما راده
يكفيك فعل الزمن بمحمد الدرّة
ويكفي من الوقت خمس عقود وزيادة
ما عاد خلت بكبدك قطرة مرّة
وإن قلت أنا في زمان فات لي عادة
دارت رحاة الزمان وجتك مفترّة
ريح ضميرك وخل الوقت وجهاده
لعل خير الزمان يفك من شرّه
أما يقوم الجمل شقران بشداده
وإلا تهب الهبوب وتقتل الجرّة .
3- قصيدة يا عين الشقا
اليوم يا عين الشقا ليش تبكين
يبكي الحزين وعبرته وش تفيده
والله ما ألومك لو بقيتي تهلين
دمعً يداوي الحزن ولا يزيده
هذا القضاء والقدر ما فيه تظنين
يطوي من التاريخ صفحه جديدة
صفحة شرف هزت قلوب الملايين
توجد بها كل الصفات الحميدة
صفحة شرف حنا لها مستحقين
تبقى لنا والله فعل ما يريده
راضين بأمر مكون الكون راضين
حيث أنه المالك وحنا عبيده
كم راحلً من بين قومن مقيمين
ومع دورة الأيام شدوا شديدة
هذا الصحيح أنا على الدرب ماشين
ولا وكاد أنا فقدنا فقيده
شخصية تعرف على العسر واللين
سجل لها الماضي مواقف عديدة
في صالح الدنيا وفي صالح الدين
ونفس تموت بمثل هذا شهيدة
وأبو زيد حبه في قلوب المحبين
بقلوب كل الناس ضخمً رصيده .
4- قصيدة الشعر
الشعر ماني مقترح دستوره
ولاني وكيل أدم على مذخوره
ولكن من شيء يحز بنفسي
هاضت به أفكاري وهي مجبورة
شعر النبط شفته بوسط الشارع
يمشي ويسحب رجله المكسورة
وما شاهدت عيني عرفت أسبابه
زان الزمان وبانت المصرورة
الشعر سارت هيبته ماطيه
تشاوتوه الربع مثل الكورة
يشوته الفارس وجاه الحارس
ينقز على رجله ويلطم زوره
وأهدافهم يا للأسف مكشوفة
أغراض شخصية وصوت وصورة
يستخدمون الشعر لبسط حاجة
وش هالبشر منهيةٍ مأمورة
إما هذم رَجلٍ بدون مبرر
أو يمدحه مدحٍ يمس شعوره
مدحه بوجهه يعتبر مسبة
إذا كان يعرف مستواه ودوره .
5- قصيدة قالوا تعلمت
وترا حياه الفتى مهما قوى باسه
محفوفه بالخطر والموت تابعها
من مبتدأ العمر حتى يلفظ أنفاسه
يمر في مرحله تكثر زوابعها
أول حياه الفتى مشوار وعساسة
مسافة في عجاج العمر يقطعها
وثاني حياه الفتى تدريب ودراسة
تصعب ظروف الحياه وينشغل معها
وثالث حياه الفتى يرجع على ساسة
النقطة اللي بدأ منها يراجعها
يرجع لسن الهرم ويضيع الطاسة
ويزحف مع الأرض ويخبط شوارعها
وإلى تلاقت متونه وارتخا رأسه
ضاعت جميع العلوم اللي يجمعها .
واضيع ذات صلة